Вусны часопіс «Як не любіць мне гэтую зямлю...»
Разработка внеклассного мероприятия про Беларусь.
Библиотека материалов Дум Думыча
Вусны часопіс
“Як не любіць мне гэтую зямлю...”
Старонкі часопіса:
І. Край мой, Белая Русь
ІІ. Загадкавая мінуўшчына
ІІІ. Беларусь сінявокая
ІV. Зоркі Белае Русі
Маленства край! Ты з намі да сканання –
Чысты, святы, як першае каханне.
А. Міцкевіч
І старонка “Край мой, Белая Русь”
Вядучы 1: Хутка вясна...
І над ўсёй нашай краінай, наставіўшы белыя ветразі крылаў, будуць планіраваць буслы. Іх многія і многія тысячы – хто лічыў? І таму зямлю нашу, Беларусь, можна назваць “зямлёй пад белымі крыламі”.
Да пэўнай ступені бусел – сімвал Беларусі.
Так і планіруюць, планіруюць буслы. Ветразі іх раскрылены над дрэвамі, пушысты хвост, як веерам, накрыў выцягнутыя ногі. І пад іхні палёт добра думаецца пра Беларусь.
Вучань чытае верш В. Шведа “Бусел верны Беларусі”:
Бусел з Афрыкі гарачай
Родную зямельку ўбачыў.
Зноўку з выраю вярнуўся
Да айчыннай Беларусі.
Ён з бусліхай-прыгажуняй
Распазнаў гняздо на клуні.
Хутка ў буслоў цыбатых
Будуць дзеці-бусляняты.
Дзеці вырастуць праз лета
І пакінуць свой палетак.
Прыляцяць увесну. Бусел
Заўжды верны Беларусі.
Вядучы 2: Назва “Белая Русь” вядома была ў нашым краі і для суседзяў нашых з далёкай старажытнасці. Узнікла яна, відаць, як абазначэнне часткі тэрыторыі старажытнай Русі. Белая Русь ужываецца як назва нейкай тэрыторыі, суседняй з Літвой, у летапісе 1315 года без тлумачэння, што ўказвае на яе шырокую вядомасць тады.
Былі назвы і такія: Кіеўская Русь, Наўгародская Русь, Чэрвенная Русь, Маскоўская Русь. Яны ўтварыліся ад назваўкняжацкіх цэнтраў – старажытных гарадоў.
А чаму ж Белая Русь? Ёсць некалькі варыянтаў паходжання гэтай назвы. Найбольш верагодныя такія думкі.
Вучань: Па-першае, белае адзенне даўніх вясковых людзей, белыя іхнія валасы, белы колер скуры.
Па-другое, калі на нашы старажытныя славянскія землі прыйшлі татара-манголы, здолелі адбіцца ад іх амаль адны толькі мы. Палі Уладзімір, Разань, Кіеў. Да Ноўгарада захопнікі не дайшлі толькі таму, што пачаліся дажджы. Мы адбіліся. І менавіта таму мы “белая”, “Чыстая ад нашэсця татараў” Русь.
Вядучы 1: Калі нашу зямлю ўбачыш хоць раз у жыцці - яе не забудзеш. Калі з чыстых яе крыніц вып’еш глыток вады – прыбавіцца сіл і радасці. Калі пройдзеш па гэтай зямлі – палюбіш яе. А калі нарадзіўся на гэтай зямлі...
Вучань: Лепей за ўсё мне на свеце мясціна
Тая, дзе я нарадзіўся і ўзрос.
Бэз пад акном і на полі каліна...
Ціхае сонца, блакіты нябёс...
Можа, другому не скажа нічога
Сціплая смолка на ўзлессі ў траве,
Мне ж у ёй радасць гучыць і трывога,
Зёю маё захапленне жыве.
Вучаніца: Любы мне бору сасновага звоны,
Пошум прысадаў, што ўзбеглі на шлях.
Там, дзе бязмежна пралеглі загоны,
Сэрца ўбірае прыволле ў палях.
Выйдзеш за вёску – жытнёвыя хвалі
Коцяцца, цёплыя, плыняць наўсцяж...
Клічуць дарогі ў бясконцыя далі...
Самы ты вольны, край бацькаўскі наш!
Вучань: Колькі мне маці тут песень спявала,
Колькі радзілася ў сэрцы тут мар,
Колькі мне ласкі жыццё аддавала,
Позіркам шчасця тут гледзячы ў твар.
Тут я быць верным і чулым вучыўся,
Сілу здабыў тут, якой не зламіць.
І сваёй роднай зямлі, дзе радзіўся,
Мне аніколі нідзе не забыць.
ІІ старонка “Загадкавая мінуўшчына”
Вядучы 2: Звернемся да гістарычнай памяці, як да машыны часу, з просьбаю паказаць нам таго з нашых продкаў, хто стаяў на пачатку беларускай гісторыі. Мы даволі выразна ўбачым сілуэты полацкага князя Рагвалода і яго дачкі Рагнеды, якія жылі ў Х стгоддзі! Няўжо за іх спінамі – толькі цемра небыцця? Але ўгледзімся больш уважліва, і перад вачамі паўстане цэлы шэраг невыразных, расплывістых постацяў: князі, воіны, майстры, жанчыны. Тыя, чые імёны і дзеянні не дайшлі да нас, нашчадкаў.
Вядучы 1: Дзіўны лёс напаткаў Беларусь: на працягу многіх стагоддзяў на зямлі яе бушавалі войны, суседзі імкнуліся разарваць яе на кавалкі. Гісторыя выкарыстоўвала яе як шчыт, якім прыкрывала іншыя краіны і народы ад варожых удараў. Беларусам была падаравана Богам вялікая колькасць слаўных герояў, якія стварылі гісторыю цікавую, не падобную на іншыя, гісторыю народа-стваральніка, народа-воіна.
Немагчыма за кароткі час перадаць гісторыю народа і яго краіны. Звернемся ж толькі да некаторых легенд і паданняў, якія дапамогуць нам заглянуць у наша мінулае.
Вучань чытае верш:
Перад табой стаю
І веру ў моц тваю,
Бацькоў святое слова.
Б’еш ты з глыбінь зямлі,
З пластоў народных сіл,
Узнімаеш слой за слоем.
Язэп Пушча
Вучні расказваюць паданні:
Паданне “Сівы воўк”
Паданне “Бяздоннае багацце” (з кнігі “Дрэва кахання”. – с. 204)
Паданне пра Брэст (з кнігі “Дрэва кахання”. – с. 117)
Паданне пра Гомель (з кнігі “Дрэва кахання”. – с. 118)
Паданне пра Мінск (з кнігі “Дрэва кахання”. – с. 113)
Паданні пра паходжанне мясцовых назваў.
Вучань чытае верш:
Край мой, дзе горы паўсталі ўзнёсла,
Край сініх вод, чаратамі зарослых,
Пушчаў, дзе ў голлі хаваецца сонца,
Колькі прыгадак ты будзіш штодзённа,
У промнях вясновых, у барвах зялёных
Ты мне з’яўляешся казкай бясконцай...
Слава і дзіва паданне старое,
Што аж ад продкаў па бацькавым краі
З вёскі да вёскі вандруе, блукае.
Ян Баршчэўскі
ІІІ старонка “Беларусь сінявокая”
Вучань чытае верш У. Караткевіча “Беларуская песня”:
Дзе мой край? Там, дзе вечную песню пяе Белавежа,
Там, дзе Нёман на захадзе помніць варожую кроў,
Дзе на ўзвышшах Наваградскіх дрэмлюць суровыя вежы
І вішнёвыя хаты глядзяцца ў шырокі Дняпро.
Ты ляжыш там, дзе сіняя Прыпяць ласкава віецца,
Дзе Сафія плыве над Дзвіною, нібы карабель...
Там, дзе сэрца маё з першым крокам, як молат, заб’ецца,
Калі б нават сляпым і глухім я прыйшоў да цябе.
Што сляпым? Нават мёртвым успомню высокія зоры,
Над ракою чырвонай і цьмянай палёт кажаноў,
Белы ветразь на сініх, на гордых, як мора, азёрах,
І бары-акіяны, і неба – разлівы ільноў.
Вядучы 2: Калі паглядзім на карту, то адразу здагадаемся, чаму нашу рэспубліку называюць сінявокай. Так, таму што на яе тэрыторыі шмат рэк і азёраў. Наша зямля, можна сказаць, сочыцца вадою. Крыніцы, балоты, ручаі, рачулкі, магутныя рэкі і вялікія азёры. Азёры – вочы зямлі. Беларусі нельга сабе ўявіць без азёраў. Вялікія і малыя, цёмныя і светлыя, лясныя і бязлесыя.
Калі палічыць азёры, то іх колькасць перавысіць дзесяць тысяч. Самае найбольшае з азёр – Нарач, самае глыбокае – Доўгае. Жамчужынай цэнтральнай часткі Беларусі з’яўляецца возера Свіцязь.
Вучань расказвае паданне пра возера Свіцязь.
Вядучы 1: Звычайна азёры ўтвараюць групы. На некаторых з такіх груп створаны азёрныя заказнікі: “Блакітныя азёры” (на Мядзельшчыне), “Азёры” і “Свіцязанскі” (на Гродзеншчыне, “Мазырскія яры” (на Палессі). Найбольш буйное возера Палесся – Чырвонае або Князь-возера.
Вучань расказвае паданне пра Князь-возера.
Вядучы 2: Калі ўважліва паглядзець на картуБеларусі, то можна заўважыць, што мноства рэк і рэчак, азёр мае аднолькавую назву.
Вучань: 28 азёр і рэк з назвай Чорнае, Чорная. На Палессі і ў Паазер’і назва азёраў звязана з колерам вады ці з асаблівасцямі навакольных зямель (сярод балот і тарфянікаў). Адна з версій назваў ракі звязана з тыпам расліннасці, дакладней, з чорным колерам, які нагадваюць травяныя бары з дробным падлескам. Зараснікі івы, вольхі, асіны ў старажытнасці называлі “чарналессем”. Часам паабапал ракі раслі чарніцы.
Вучань: Даволі часта (6 разоў) сустракаюцца на Беларусі рэчкі з назвай Выдрыца. Верагодна, паходжанне назвы – ад распаўсюджвання выдры. Па другой версіі, і найбольш верагоднай, паходжанне назвы ідзе ад старажытнага тэрміна “выдрыца”, якім беларусы называлі малаўрадлівыя пойменныя землі, парослыя хмызняком.
Вучань: У Днепр упадаюць 4 розныя прытокі з адной назвай – Цна. Найбольш распаўсюджана тлумачэнне паходжання ад старажытнага “десная”, значыць “правае”. Але супраць гэтай версіі тое, што ўсе прытокі левыя. Па другой версіі – ад назвы тьсьен – вузкая.
Шмат азёраў (31) з назвай “Белае” – вада ў іх празрыстая.
Вучань чытае верш “ СIНЯВОКIЯ АЗЁРЫ”
Як ў люстэрцы, блакiт на вадзе ад нябёс,
I, здаецца, глыбока, як ў моры,
Назву гэты блакiт зямлi нашай прынёс,
Сiнявокiя нашы азёры.
Край лясоў i азёр, сiнявокi мой край,
Безлiч песень табе ўжо прапета!
Колькi песень цудоўных табе не спявай,
Ты натхненне даеш для паэта.
Я з табой назаўжды, маiх продкаў зямля,
Ў шчасцi, радасцi, смутку i горы,
Беларусь сiнявокая – радасць мая,
Сiнявокiя нашы азёры.
ІV старонка “Зоркі Белай Русі”
Вядучы 1: Чацвёртую старонку нашага часопіса мы правядзём у выглядзе віктарыны.
На дзіва багатая на таленты Беларусь. Калі пачнеш згадваць паэтаў, празаікаў, музыкаў, мастакоў, вучоных, а таксама прадстаўнікоў іншых прафесій, вялікае мноства набярэцца. Сёння мы з вамі ўспомнім некаторых з іх.
Вядучы 2: 1. Гэта бясспрэчная ісціна: беларусы заўсёды ішлі ў людзі з кнігаю. Адна з самых таленавітых і адукаваных жанчын Еўропы ХІІ стагоддзя ладзіла сваю асветніцкую дзейнасць на тэрыторыі першай беларускай дзяржавы.
Як звалі гэтую жанчыну? /Еўфрасіння Полацкая/
Вядучы 1: 2. Янка Купала, Якуб Колас, Кандрат Крапіва, Янка Маўр. Усё гэта – псеўданімы, якімі карысталіся вядомыя беларускія паэты і пісьменнікі. Назавіце іх сапраўдныя прозвішчы.
/ Янка Купала – Іван Дамінікавіч Луцкевіч
Якуб Колас – Канстанцін Міхайлавіч Міцкевіч
Кандрат Крапіва – Кандрат Кандратавіч Атраховіч
Янка Маўр – Іван Міхайлавіч Фёдараў/
Вядучы 2: 3. На чужыне, у далечыні “ад родных ніў, ад роднай хаты”, паэт напісаў верш і прысвяціў яго прыгонным дзяўчатам-майстрыхам. Хто гэты паэт і як называецца верш? /М. Багдановіч. “Слуцкія ткачыхі”/
Вядучы 1: 4. “... Як ад нараджэння звяры, што ходзяць у пустыні, ведаюць ямы свае; птушкі, што лятаюць у паветры, ведаюць гнёзды свае; рыбы, што плаваюць на моры і ў рэках, ведаюць віры свае; пчолы і тым падобныя бароняць вуллі свае, - так і людзі, дзе нарадзіліся і ўскормлены, да таго месца вялікую ласку маюць”.
Так пісаў чалавек, дзякуючы якому Беларусь атрымала друкаваную кнігу.
/Ф. Скарына/
Вядучы 2: 5. Гэты чалавек па прафесіі – урач, але прысвяціў сваё жыццё песні. І вось ужо колькі год гарыць яго зорка на беларускай эстрадзе. /А. Саладуха/
Вядучы 1: 6. Герояў аповесці гэтага пісьменніка ведаюць усе дзеці. Ды і каго не зацікавіць гісторыя пра смелага ваяку Мішку, Жука і Барадатага? Хто ж аўтар гэтага твора? /М. Лынькоў/
Вядучы 2: 7. Хто з паэтаў сказаў гэтыя цудоўныя радкі пра нашу беларускую мову?
Кажуць, мова мая аджывае
Век свой ціхі: ёй знікнуць пара.
Для мяне яна вечна жывая,
Як раса, як сляза, як зара.
/П. Панчанка/
Вядучы 1: 8. Ён нарадзіўся ў Беларусі ў 1746 годзе, з’яўляецца нацыянальным героем Беларусі, Амерыкі і Польшчы. Быў кіраўніком нацыянальна-вызваленчага паўстання 1794 года ў Рэчы Паспалітай, прымаў удзел у вайне за незалежнасць ЗША.
/ Тадэвуш Касцюшка/
Вядучы 2: 9. Гэты прызнаны вучоны нарадзіўся ў Гродзенскай вобласці ў 1897 годзе. Ён вывучаў біялагічнае ўздзеянне Сонца і Сусвету, у тым ліку суадносіны сонечнай актыўнасці з перыядамі войнаў у гісторыі чалавецтва.
/Аляксандр Чыжэўскі/
Вядучы 1: 10. Першы беларускі касманаўт, вучоны ў галіне тэхнічных навук, двойчы Герой Савецкага Саюза. Нарадзіўся ў в. Камароўка Брэсцкага р-на ў 1942 годзе. Ажыццявіў тры палёты ў складзе экіпажаў касмічных караблёў і арбітальных комплексаў, правёў у космасе 78,76 сутак.
/Пётр Клімук/
Вядучы 2: 11. Гэты мастак нарадзіўся ў 1887 годзе ў Віцебску. Самы знакаміты ўраджэнец Беларусі, вядомы ва ўсім свеце як класік авангардызму ў выяўленчым мастацтве.
/Марк Шагал/
Вядучы 1: 12. Гэтая беларуская спартсменка заваявала залаты медаль у бегу на 100 метраў на Алімпійскіх гульнях у Афінах ў 2004 годзе.
/Юлія Несцярэнка/
Вядучы 2: 13. Самы вядомы тэнісіст Беларусі, які заваяваў серыю міжнародных узнагарод у парным разрадзе і вывеў беларускую зборную на лепшае месца за ўсю яе гісторыю на Кубку Дэвіса.
/Максім Мірны/
Вядучы 1: 14. Беларускі спартсмен і трэнер (вольная барацьба). Чэмпіён Алімпійскіх гульняў (1964, 1968, 1972), свету (1962, 1963, 1966, 1967, 1969–71). Прызнаны лепшым барцом вольнага стылю ХХ стагоддзя.
/Аляксандр Мядзведзь/
Вядучы 1: Бацькаўшчына. Радзіма. Айчына. Родны край. Старонка родная...
Шчырымі, лагоднымі словамі называем мы родную зямлю, родную Белую Русь.
Зямля бацькоўская, святая.
Так, гэта мы. Увесь народ...
Колькі цудоўных легенд, паданняў жыве ў сэрцы нашага народа! Колькі славутых людзей дала нам наша Радзіма! Багатую спадчыну мы маем. Толькі трэба
Не пагарджаць святым сваім мінулым,
І заслужыць яшчэ і вартым быць яго.
Вучань чытае верш А. Касцецкага.
Што такое Бацькаўшчына, знаеш?
Гэта рэчка, сцежачка лясная,
Гэта ў лузе залатая пчолка, а ў вачах тваіх – вясёлка.
Бацькаўшчына – гэта дом твой, школа,
Гэта песні, што звіняць наўкола,
Гэта сам ты, гэта тата твой і мама,
І сябры твае таксама!
верш В. Шведа “Бусел верны Беларусі”:
Бусел з Афрыкі гарачай
Родную зямельку ўбачыў.
Зноўку з выраю вярнуўся
Да айчыннай Беларусі.
Ён з бусліхай-прыгажуняй
Распазнаў гняздо на клуні.
Хутка ў буслоў цыбатых
Будуць дзеці-бусляняты.
Дзеці вырастуць праз лета
І пакінуць свой палетак.
Прыляцяць увесну. Бусел
Заўжды верны Беларусі.
Вучань: Па-першае, белае адзенне даўніх вясковых людзей, белыя іхнія валасы, белы колер скуры.
Па-другое, калі на нашы старажытныя славянскія землі прыйшлі татара-манголы, здолелі адбіцца ад іх амаль адны толькі мы. Палі Уладзімір, Разань, Кіеў. Да Ноўгарада захопнікі не дайшлі толькі таму, што пачаліся дажджы. Мы адбіліся. І менавіта таму мы “белая”, “Чыстая ад нашэсця татараў” Русь.
Вучань: Лепей за ўсё мне на свеце мясціна
Тая, дзе я нарадзіўся і ўзрос.
Бэз пад акном і на полі каліна...
Ціхае сонца, блакіты нябёс...
Можа, другому не скажа нічога
Сціплая смолка на ўзлессі ў траве,
Мне ж у ёй радасць гучыць і трывога,
Зёю маё захапленне жыве.
Вучаніца: Любы мне бору сасновага звоны,
Пошум прысадаў, што ўзбеглі на шлях.
Там, дзе бязмежна пралеглі загоны,
Сэрца ўбірае прыволле ў палях.
Выйдзеш за вёску – жытнёвыя хвалі
Коцяцца, цёплыя, плыняць наўсцяж...
Клічуць дарогі ў бясконцыя далі...
Самы ты вольны, край бацькаўскі наш!
Вучань: Колькі мне маці тут песень спявала,
Колькі радзілася ў сэрцы тут мар,
Колькі мне ласкі жыццё аддавала,
Позіркам шчасця тут гледзячы ў твар.
Тут я быць верным і чулым вучыўся,
Сілу здабыў тут, якой не зламіць.
І сваёй роднай зямлі, дзе радзіўся,
Мне аніколі нідзе не забыць.
верш:
Перад табой стаю
І веру ў моц тваю,
Бацькоў святое слова.
Б’еш ты з глыбінь зямлі,
З пластоў народных сіл,
Узнімаеш слой за слоем.
Язэп Пушча
верш:
Край мой, дзе горы паўсталі ўзнёсла,
Край сініх вод, чаратамі зарослых,
Пушчаў, дзе ў голлі хаваецца сонца,
Колькі прыгадак ты будзіш штодзённа,
У промнях вясновых, у барвах зялёных
Ты мне з’яўляешся казкай бясконцай...
Слава і дзіва паданне старое,
Што аж ад продкаў па бацькавым краі
З вёскі да вёскі вандруе, блукае.
Ян Баршчэўскі
верш У. Караткевіча “Беларуская песня”:
Дзе мой край? Там, дзе вечную песню пяе Белавежжа,
Там, дзе Нёман на захадзе помніць варожую кроў,
Дзе на ўзвышшах Наваградскіх дрэмлюць суровыя вежы
І вішнёвыя хаты глядзяцца ў шырокі Дняпро.
Ты ляжыш там, дзе сіняя Прыпяць ласкава віецца,
Дзе Сафія плыве над Дзвіною, нібы карабель...
Там, дзе сэрца маё з першым крокам, як молат, заб’ецца,
Калі б нават сляпым і глухім я прыйшоў да цябе.
Што сляпым? Нават мёртвым успомню высокія зоры,
Над ракою чырвонай і цьмянай палёт кажаноў,
Белы ветразь на сініх, на гордых, як мора, азёрах,
І бары-акіяны, і неба – разлівы ільноў.
Вучань: 28 азёр і рэк з назвай Чорнае, Чорная. На Палессі і ў Паазер’і назва азёраў звязана з колерам вады ці з асаблівасцямі навакольных зямель (сярод балот і тарфянікаў). Адна з версій назваў ракі звязана з тыпам расліннасці, дакладней, з чорным колерам, які нагадваюць травяныя бары з дробным падлескам. Зараснікі івы, вольхі, асіны ў старажытнасці называлі “чарналессем”. Часам паабапал ракі раслі чарніцы.
Вучань: Даволі часта (6 разоў) сустракаюцца на Беларусі рэчкі з назвай Выдрыца. Верагодна, паходжанне назвы – ад распаўсюджвання выдры. Па другой версіі, і найбольш верагоднай, паходжанне назвы ідзе ад старажытнага тэрміна “выдрыца”, якім беларусы называлі малаўрадлівыя пойменныя землі, парослыя хмызняком.
Вучань: У Днепр упадаюць 4 розныя прытокі з адной назвай – Цна. Найбольш распаўсюджана тлумачэнне паходжання ад старажытнага “десная”, значыць “правае”. Але супраць гэтай версіі тое, што ўсе прытокі левыя. Па другой версіі – ад назвы тьсьен – вузкая.
Шмат азёраў (31) з назвай “Белае” – вада ў іх празрыстая.
верш “ СIНЯВОКIЯ АЗЁРЫ”
Як ў люстэрцы, блакiт на вадзе ад нябёс,
I, здаецца, глыбока, як ў моры,
Назву гэты блакiт зямлi нашай прынёс,
Сiнявокiя нашы азёры.
Край лясоў i азёр, сiнявокi мой край,
Безлiч песень табе ўжо прапета!
Колькi песень цудоўных табе не спявай,
Ты натхненне даеш для паэта.
Я з табой назаўжды, маiх продкаў зямля,
Ў шчасцi, радасцi, смутку i горы,
Беларусь сiнявокая – радасць мая,
Сiнявокiя нашы азёры.
верш А. Касцецкага.
Што такое Бацькаўшчына, знаеш?
Гэта рэчка, сцежачка лясная,
Гэта ў лузе залатая пчолка, а ў вачах тваіх – вясёлка.
Бацькаўшчына – гэта дом твой, школа,
Гэта песні, што звіняць наўкола,
Гэта сам ты, гэта тата твой і мама,
І сябры твае таксама!
Материалы подготовил(а): Пашко Светлана Владимировна
Мне нравится | 0