Урок па літаратурнаму чытанню (4 клас) «Цудоўны лес у восеньскія дні»
Распрацоўка урока па літаратурнаму чытанню ў 4 класе па тэме «Цудоўны лес у восеньскія дні»
Матэрыял да ўрока: Эдуард Валасевіч. Арэхі і агрэхі
Мэты: удасканальваць уменне правільна і асэнсавана чытаць уголас і моўчкі, пашыраць аператыўнае поле чытання вучняў;развіваць уменне чытаць выразна; фарміраваць уменне вызначаць вобразныя словы і выразы, з дапамогай якіх аўтар малюе выявы прыроды роднага краю; удасканальваць уменне працаваць у групах; спрыяць развіццю пазнавальнай актыўнасці, жадання назіраць за прыродай роднага краю.
Библиотека материалов Дум Думыча
Літаратурнае чытанне ( 4 клас)
Тэма: Цудоўны лес у восеньскія дні
Матэрыял да ўрока: Эдуард Валасевіч. Арэхі і агрэхі
Мэты: удасканальваць уменне правільна і асэнсавана чытаць уголас і моўчкі, пашыраць аператыўнае поле чытання вучняў;развіваць уменне чытаць выразна; фарміраваць уменне вызначаць вобразныя словы і выразы, з дапамогай якіх аўтар малюе выявы прыроды роднага краю; удасканальваць уменне працаваць у групах; спрыяць развіццю пазнавальнай актыўнасці, жадання назіраць за прыродай роднага краю.
Ход урока
I. Арганізацыйны момант
-Паглядзіце адзін на аднаго, усміхніцеся, пажадайце адзін аднаму ўсяго самага добрага.
II. Праверка дамашняга задання
1. Выразнае чытанне ўрыўкаў з твора” Лістапад.”
2. Прагляд малюнкаў па тэме “Восень”.
3. Актуалізацыя раней атрыманых ведаў
1. Падкрэслі словы, якія апісваюць пару года як жывую істоту
Восень,мая чарадзейка,
Ходзіць па лесе, пяе,
І залатая жалейка
Песні разносіць яе.
2. Якія рысы характару мае Саўка, герой апавядання І.Вярыгі “ Сустрэча”?
а) дабрыня;
б) клапатлівасць;
в) бескарыслівасць;
г) сціпласць;
д) жаласць;
е) прагнасць;
ё) злосць;
3.Хто аўтар гэтых радкоў? Абвядзіце кружком літару з правільным адказам.
Абрывае восень
за лістком лісток.
Сёння роўна ў восем
зазвініць званок.
а) Рыгор Ігнаценка
б) Артур Вольскі
в) Максім Танк
г) Якуб Колас
III. Новая тэма:
1. Уступная частка
Вучні чытаюць запісаныя на дошцы выразы, кожны з якіх уяўляе сабой пачатак прыказкі. Заканчэнне народнага выслоўя знаходзіцца ў другім слупку.
1. Дзетачка, спі, … не забава.
2.Справа…. само не падае.
3. Нікому з неба… а справу помні.
4. Нічога само…. такая і слава.
5. Хто не ляніцца,… не зробіцца.
6. Якая справа,… тое заўтра як знойдзеш.
7. Што сёння зробіш,… той справай сваёй ганарыцца.
- Як вы разумееце сэнс кожнай прыказкі? Якая агульная тэма закранаецца ў выслоўях? ( Тэма працы,адказнасці за своечасовае выкананне пэўнай справы).
-Якую справу вы лічыце найважнейшай для сябе? Абгрунтуйце сваю думку.
2. Падрыхтоўка да ўспрымання твора.
Дзеці чытаюць запісаныя на дошцы словы.
тоўсты поўны ленавацца
таўставаты паўнюткі разленавацца
таўшчэзны
-Утварыце словазлучэнні з кожным прыметнікам. Выкажыце меркаванні, чым знешне адрозніваюцца адзначаныя словазлучэнні.Ужыванне якіх слоў уплывае на змяненне сэнсавага адцення таго ці іншага выразу?
- Растлумачце значэнне кожнага дзеяслова, запісанага ў апошнім слупку. Што аб’ядноўвае дадзеныя словы? У чым іх адрозненне?
- Прачытайце назву байкі Эдуарда Валасевіча. (“Арэхі і агрэхі”). З апорай на словы скажыце, што, на вашу думку, пісьменнік высмейвае ў творы.
3. Паслухайце байку, знайдзіце ў ёй пацвярджэнне ўласным меркаванням.
(Настаўнік чытае байку, выказванні вучняў)
4. Аналіз твора.
Зрокавая гімнастыка.
-Прачытайце байку “Арэхі і агрэхі”, адшукайце словы, якія вам незразумелыя.
Слоўнікавая работа
(Тлумачэнне асобных слоў вучні чытаюць у падручніку, астатнія дае настаўнік разам з вучнямі).
-Назавіце галоўнага героя байкі? Якую звычку ён меў? Пацвердзіце радкамі з тэксу, што Васілёк з вялікім жаданнем наведваў восеньскі лес. (Вучні зачытваюць.) Замяніце выраз куляю ляціць іншымі з блізкім значэннем
Чым хлопчыка вабіў да сябе лес? Пацвердзіце адказ радкамі з твора.
У які з асенніх месяцаў Васільку лес найбольш падабаўся? Знайдзіце і зачытайце адказ у тэксце. ( У верасні: толькі год пачаўся, а ты, на жаль, разленаваўся.)
- Вылучыце з байкі ўрывак, у якім даецца апісанне вераснёўскага лесу. Чым ён адметны ў гэтую пару? (Зачытваюць.)
5. Хвілінка адпачынку ( пад музыку)
(Імітацыя рухаў)
Ападае лісце. Ідзе дождж.
Вецер гойдае дрэвы.
Скачам цераз лужыны.
Ірвем яблыкі.Капаем бульбу.
Зграбаем апаўшае лісце.
Развітваемся з птушкамі, якія ляцяць у вырай.
6. - З апорай на змест твора запоўніце табліцу, змешчаную на дошцы.
Колеры расліннага свету |
Паводзіны жывёл |
Дарункі лесу |
Бярозкі нібы золатам абліты |
Вожык выйшаў паляваць гадзюк |
Ну, а арэхаў! |
- Адшукайце ў творы і зачытайце вобразныя словы і выразы. З чым аўтар параўноўвае бярозы і рабіны? ( З золатам і агнём.) На падставе чаго ўзнікае такое супастаўленне? Замяніце выраз золатам абліты і дзеяслоў гараць сінонімамі.
-Як паводзіны жывёл характарызуюць надвор’е, што ўсталявалася ў верасні? Пацвердзіце свае меркаванні радкамі з твора.(Зачытваюць.)
- Што за справы цягнулі Васілька ў лес? Прачытайце, наколькі багаты быў ураджай арэхаў. ( Толькі торбу разгарні, глядзіш – паўнюткая яна як вока…)
Чаму, на вашу думку, у вершы побач стаяць словы разгарні,глядзіш- паўнюткая? ( Каб падкрэсліць хуткасць, імгненнасць, з якой напаўняецца торба арэхамі.)
-З чым параўноўвае аўтар арэхі? Што агульнага ён убачыў паміж звычайным арэхам і градам? Чаму арэхавы град залаты?
7. Работа ў парах: вылучыце словы і выразы, з апорай на якія можна даказаць,што Васільку прагулкі ў лес:
а) прыносілі вялікую карысцьі задавальненне;
б) перашкаджалі займацца важнымі справамі;
- Чаму байка мае загаловак “Арэхі і агрэхі”? Ці згодны вы з такім загалоўкам?
- Адшукайце ў байцы радкі, якія з’яўляюцца яе мараллю. ( Любі прыроду іаберагай, але пра справы ты не забывай.) Як вы разумееце іх сэнс?
8. Самастойная работа: зрабіце разметку тэксту, расстаўце лагічныя паўзы, падкрэсліце словы, якія пры чытанні неабходна выдзеліць голасам. Падрыхтуйцеся да чытання байкі.
9. Выразнае чытанне байкі вучнямі.
IV. Дамашняе заданне: навучыцца выразна чытаць байку Э.Валасевіча “Арэхі і агрэхі”.
V. Рэфлексія
- Ці спадабаўся вам урок?
- Чым ён вас узбагаціў?
- Які настрой пераважаў у вас на ўроку? Пакажыце картку-сімвал.
Материалы подготовил(а): Пашко Светлана Владимировна
Мне нравится | 0